558               TESTAMENTS ENREGISTRÉS AU PARLEMENT DE PARIS            (498)
sessions quelxconques, voulant que, elle alée de vie à trespassement, ilz en soient vestuz et saisis jusques à plain acomplissement de cestui sien present testament, les circonstances et deppendances d'icellui; fesquelx biens meubles, heritages et possessions, elle obliga et soubz-mist en la juridicion et contrainte de la prevosté de Paris et de toutes autres justices où ilz seront et pourront estre trouvez, pour cestui sien present testament, les circonstances et deppendances, entériner el acomplir, lequel elle voult valoir par voye et maniere de testament, de codicille et autrement, par la meilleur voye et maniere de derreniere voulentéque valoir pourra etr devra, en rappellant et revocquant tous autres testamens, codicilles et ordonnances de derreniere voulenté pat­elle fais et ordonnez par avant la date de ces presentes lettres, es­quelles nous, en tesmoing décé, à la relacion des diz notaires jurez, avons mis le seel de la prevosté de Paris, qui furent passées et accor­dées le mercredi vint et deux jours de janvier, l'an de grace mil cccc et neuf.
Ainsi signé : Ja. de Mes. J. Preudomme.
Item, à tous ceulx qui ces presentes lettres verront, Pierre des Essars, chevalier, conseillier, maistre d'ostel du roy nostre sire et garde de la prevosté de Paris, salut. Savoir faisons que par devant Thomas du Han et Jaques de Mes, clers notaires jurez du roy nostre dit sei­gneur en son Chastellet de Paris, fut presente noble dame, madame Alips de Cournon, dame du Godet, vesve de feu noble homme, mon­seigneur Lambert, jadis seigneur du dit lieu du Godet, chevalier, en­ferme de corps, toutevoyes saine de pensée et de bon et vray en­tendement, si comme elle disoit et de premiere face apparoit, disant que des le xxif jour de cestui present mois de janvier, elle avoit fait et ordonné son testament et ordonnance de derreniere voulenté par lettres testamentoires faictes et passées soubz le seel de la prevosté de Paris, parmi lesquelles ces presentes sont annexées, laquelle madame Alips de Cournon, en approuvant et ratifiant son dit testament et en y adjoustant par maniere de codicille, fist, nomma et ordonna ses execu-